Welkom by Bambi Kleuterskool!

Bambi voorsien al vir meer as vyftig jaar ‘n tuiste vir Centurion se kleuters en is trots daarop om ‘n skool van gehalte te wees. Ervare, goed-gekwalifiseerde en toegewyde onderwyseresse onderrig en sien met liefde om na kinders in ‘n kindervriendelike omgewing met ‘n lieflike groot boomryke en moderne speelarea met goeie sekuriteit.

By Bambi streef ons daarna om elke kleutertjie met liefde te ondersteun en te lei in die proses tot skool-gereedmaking en dat hul vormingsjare by Bambi 'n onvergeetlike ervaring sal bly.

Hoewel ons elke jaar 'n amptelike en prettige Opedag aanbied, is ouers welkom om enige dag in te loer om meer oor die skool te leer en die skoolhoof te ontmoet. 

Ons leuse is: Vandag se voorbeeld, môre se maatstaf

Visie:

Bambi wil 'n voorloper bly, deur onafhanklik en volhoubaar 'n veilige omgewing te bied, waar kinders in liefde en met sekuriteit, uitnemende opvoeding en onderrig kan ontvang.

Vinnige feite oor Bambi

  • Gestig in 1961, die eerste en oudste kleuterskool in Centurion
  • Ons is ‘n nie-winsgewende organisasie – fondse word teruggeploeg in die skool, om sodoende hoë kwaliteit onderrig te kan bied
  • Babas vanaf drie maande, peuters en kleuters tot en met Gr R welkom
  • Skooltye: 06:45 tot 14:00, en ons naskool is oop tot 17h15
  • Ons naskool is oop gedurende skoolvakansies vir alle kinders maar is gesluit gedurende die Desembervakansie
  • Buitemuurse aktiwiteite in skooltyd:  Ballet, C-Maths, Engels, Krieket, Monkeynastix, Musiek, Rekenaars, Rugby, Playball en Swem

 

Ons sien daarna uit om julle by die Bambi-familie te verwelkom

Buitemuurse Aktiwiteite