Bambi is ‘n nie-winsgewende instansie en ‘n gemeenskapsskool wat bestuur word deur ‘n Beheerraad. Die raad bestaan uit ouers wat tydens die algemene jaarvergadering deur die skool se ouers verkies word. Die ouerkomitee, bestaande uit vrywillige ouers, is verantwoordelik vir die fondsinsamelingsprojekte om sodoende die skoolfooie bekostigbaar te hou.

Die Centurion Kleuterskool Vereniging (Bambi Kleuterskool) word beheer en bestuur deur die bestuursliggaam. Die Beheerraad bestaan uit verkose lede en die hoof van die skool. Die Beheerraad is die hoogste uitvoerende gesag van Bambi Kleuterskool, onderworpe aan die Grondwet. Die algemene jaarvergadering vind jaarliks plaas en alle ouers van Bambi is stemgeregtigdes op dié vergadering. Tydens die algemene jaarvergadering word die finansiële state bespreek en goedgekeur, alle sake van belang word bespreek sowel as enige nuwe Beheerraadslede bekragtig aan die hand van die Grondwet.

BEHEERRAAD 2022:

• Herman Serfontein – Voorsitter
• Lèan Visser – Ondervoorsitter
• Morné Steyn – Finansies
• Tiaan Venter – Operasioneel
• Justin Smit – Bemarking
• Lieze Brummer – Hoof van Bambi Kleuterskool
• Rozè Kennedy – Sekretaresse